Vlorë, dhunoi nënën 73-vjeçare me grushta, arrestohet i biri 55-vjeçar

Një 55-vjeçar nga Vlora është arrestuar ditën e sotme pasi ka dhunuar nënën e tij. Albert V. Selimaj ka ushtruar dhunë ndaj nënës së tij 73-vjeçare, me inicialet G. S. Arrestimi i tij është bërë nga uniformat e policisë, në banesën e tij në lagjen “10 Korriku” në Vlorë, pasi 55-vjeçari ka ushtruar dhunë fizike, duke e goditur me grushte nënën e tij.
55-vjeçari akuzohet për veprën penale “Dhunë në familje”, ndërsa materialet në ngarkim të tij i kaluan Prokurorisë së rrethit për procedim të mëtejshëm penal.