Gjykata lë “arrest në burg”, gjyqtaren e Lezhës Parashqevi Ademi

Gjykata ka lënë në “arrest në burg”, gjyqtaren e Lezhës  Parashqevi Ademi.
Në seancën e sotme, gjyqtares së prangosur tre ditë më parë, i është komunikuar masa e sigurisë.
Një ditë më parë, Këshilli i Lartë i Drejtësisë dha autorizimin për arrestimin e gjyqtares Parashevi Ademi. Autorizimi i KLD-së u dha pas kërkesës së prokurorisë. Gjyqtarja Parashqevi Admei akuzohet për korrupsion dhe u arrestua në gjykatën e Lezhës.
Gjyqtarja e rrethit gjyqësor Lezhë, Parashqevi Ademi, u arrestuar në flagrancë, dy ditë më parë në zyrën e saj në gjykatën e Lezhës, teksa merrte zarfin me 200 mijë lekë (të reja brenda), për mbylljen e një çështje.
Bashkë me gjyqtaren u arrestua edhe avokati Gjovalin Prendi, i cili ka qenë ndërmjetës midis qytetarit dhe gjykatëses Ademi.