Debati për Vorën nuk është mbyllyr me replikat e ashpra mes Metës dhe Patozit. Ai ka vazhduar edhe pasdite, kësaj here mes Fatmir Mediut, Luan Ramës dhe Ilir Metës. Robert Bitri i ka kërkuar mediut të dalin jashtë për sherr dhe ka pasur mundësi për përplasje fizike.
Luan Rama. Nuk më ka ndaluar njeri me kriminelë në aeroportin e Milanos, zoti Mediu. Është ndaluar me miellin e bllokuar baxhanku i Ismailit që punon në Presidencë.
Meta: z.Rama mos nxirr secrete të shërbimit sekret
Mediu: Nuk I kam hyrë kujt në shtëpi. Kërkoni ta merrni veresie pushtetin arrestoni nga 10 veta në ditë në Vorë. Mbani ca garipa dhe ju duket vetja azganë. Shko dhe fito, ti edhe kryetari yt. Është një investim i ndershëm, i certifikuar nga të gjitha institucionet. Analizat dolën korrekte më 26 maj, erdhën nga Italia. Edhe ISKSH bëri analizat dhe doli pa probleme. Do ndaloni qarkullimin në Shqipëri, qarkullimin e mallrave.
Meta: Nuk di pse e njihni në kaq detaje problemin në fjalë. Unë e njoh cështjen në detaje sepse jam akuzuar për këtë cështje. E para, ska pasur asnjë tendencë për të bllokuar biznesin e asnjë kandidati dhe në vecanti këtij të Vorës. Është bërë një takim në zyrën e kryeministrit Rama me personin kandidat dhe ministrit të Bujqësisë. I ka parë edhe kandidati disa shkresa nga shërbimi sekret i pavarur që paralmëronte për qarkullimin e miellit të helmuar në atë zonë. Ka pasur edhe shkresa të mëparshme për shqetësime dhe pretendime edhe më të drejtëpërdrejta. Janë bërë analiza në disa magazine nga AKU. Është marrë masa për të bllokuar magazinën pasi mielli ishte me aflatoksinë. Për hir të sulmeve nuk lejojmë që të helmohen njerëzit. Analizat në fabrikë kanë dalë mirë. Në Itali analizat nuk janë ligjore sepse nuk dihet ku është marrë kampioni.
Mediu: Të gjithë e shohin interesin tënd deri në detaje të cështjes, nuk ka të bëjë me akuzën por me intersin tjetër. Aflatoksina nuk është me hundë apo me sy që ta shohë shik. Ju e keni bllokuar pa asnjë analizë. Është bllokuar dhe revokuar edhe leja për biznes. SHIK ka bërë një material që flet për atë informacion. Por ai është vetëm informacion dhe duhet vertetuar. Informacionet kanë qënë për të gjithë Shqipërinë, Kukës, Lushnjë etj. Shkohet vetëm tek ky, se vetëm ai ishte kandidat. Ka pasur shantazh të përhershmë për të dhënë dorëheqje nga njerëz të autorizuar prej jush me rekorde kriminale.
Meta: A kanë emra ata njerëz. Pse nuk i denonconi.
Mediu: Atë lojë mos e bë me mua, janë ata që ke dërguar ti. Lejoni që të bëhen zgjedhje të ndershme, këtë po ju them unë. Këto janë fenomene jo të 2001 por edhe më herët. Respekto ligjin, nuk të takon ty të jesh mbi ministrin tënd. Ministri nuk e zbatoi ligjin
