Xhani De Biasi, tekniku i kombëtares kuqezi ka zyrtarizuar sot listën e 23 futbollistëve që do të grumbullohen në kuadër të miqësores me Francën, që do të luhet më 13 qershor, ora 18:00.
Tekniku De Biasi në listën e publikuar sot ka një risi të këndshme për kampionatin shqiptarë të futbollit, ku janë përzgjedhur disa nga futbollistët. Në këtë listë bien në sy disa emra të rinj siç është ftesa për Arbnor Fejzullahun, Amir Rrahmanin, Naser Alijin, Sabien Lilan dhe Afrim Takun. Në listën e publikuar nga De Biasi bëjnë pjesë 3 portierë, 7 mbrojtës, 8 mesfushor dhe 5 sulmues
Gjatë konferencës për shtyp, ku u bë publike dhe lista, De Biasi u shpreh se kjo miqësore është një mundësi e mirë për të konsoliduar skuadrën e për të provuar emrat e rinj të përzgjedhur.
Sipas tij, Shqipëria ka mundësi të mira kualifikimi në Europian, por gjithçka do të varet nga vendimi i Gjykatës së Arbitrazhit Sportiv.
Lista e plotë
Portierë:
ETRIT BERISHA, ALBAN HOXHA, ORGEST SHEHI
Mbrojtës:
NASER ALIJI, ARLIND AJETI, RENATO ARAPI, LORIK CANA, ARBNOR FEJZULLAU, ELSEID HYSAJ, AMIR RRAHMANI
Mesfushorë:
MIGJEN BASHA, ERGYS KACE, ANDI LILA, SABIEN LILAJ, LEDIAN MEMUSHAJ, ODISE ROSHI, HEROLIND SHALA, AFRIM TAKU
Sulmues:
BEKIM BALAJ, SOKOL CIKALLESHI, ERMIR LENJANI, ARMANDO SADIKU, VALDET RAMA
