Dy sondazhet e italianëve, rezultatet si në Kubë. Dallojnë vetëm në vlerësimin për Metën

A1 report publikoi sondazhin e dytë të Piepoli, një kompani e ngarkuar nga media e Bolinos për testimin e votuesve për zgjedhjet lokale. Aktualisht janë dy kompani që po kryejnë sondazhe në Shqipëri, IPR Marketing dhe Piepoli. Dallimi mes tyre është vetëm tek vlerësimi për Metën. E para ka një vlerësim më të madh për të rreth 47% ndërsa e dyta më të ulët rreth 40%. Sondazhet bashkohen në të gjitha përgjigjet e tjera.
Por ka edhe një dallim tjetër. Ndryshe nga IPR Marketing dhe Ora Neës, media tjetër nuk ka zgjedhur një “prime time” për të publikuar rezultatet por një orar ku zakonisht jepen emisione për shtëpiaket. Gjithsesi ky është një respekt i treguar për audiencën.
Ja disa nga shifrat që publikoi Piepoli:
53 % e vlerësojnë mirë Ramën, 23 % e vlerësojnë mjaftueshëm Ramën. 28% e vlerësojnë mjaftueshëm Bashën, 24% e vlerësojnë mirë punën e Bashës. Vetëm 51% e PD vlerëson punën e Bashës. 21% e demokratëve mendojnë mirë për Ramën. Ndërsa 11% e të majtëve mendojnë mirë për Bashën.
Pëlqimi si lider 63% Rama, 40 % Meta, 36% Basha, 30 % Berisha.