OKB, kroatja Vesna Pusic në vend të Ban Ki-Moon?!

Në bazë të një mekanizmi të heshtur rotacioni, zëvendësuesi i sekretarit të përgjithshëm të OKB-së, Ban Ki-moon në Pallatin e Qelqtë duhet të jetë një evropian.
”Dhe duket sikur vitin e ardhshëm do të kemi një ndryshim dyfish, pasi mund të jetë grua dhe nga Evropa Qendrore dhe Lindore”, shkruan sot gazeta britanike ”Independent on Sunday”, që publikon një intervistë ekskluzive me ministren e Jashtme kroate, Vesna Pusic, 62 vjeçe.
Pushiç ka paralajmëruar kandidaturën e saj në sekretariatin e përgjithshëm të OKB-së.
Ndërmjet konkurenteve të tjera spikat Irina Bokova, bullgare dhe aktualisht drejtoresha e përgjithshme e UNESCO-s, por që thuhet se është e lidhur shumë me elitën e vjetër komuniste.
Citohet edhe Helen Clark, por ajo nuk është evropiane, pasi ka qenë kryeministre e Zelandës së Re.