Durrësi në pak minuta shi, bëhet si Venecia

Kanë mjaftuar disa minuta shi i rrëmbyer, dhe rrugët e qytetit të Durrësit janë bërë të pakalueshme. Për shkak të bllokimit të sistemit të kanalizimeve automjetet hasin vështirë në kalim, ndërsa për këmbësorët kalimi i rrugës të mbuluar nga uji është thuajse i pamundur.
Rrugët dhe kryqëzimet janë përmbytur nga shiu, për shkak të mosfunksionimit të kanaleve kulluese. Edhe në zona të tjera të qytetit, reshjet e shiut kanë shkaktuar vështirësi në qarkullim.