Trafikonin për 25 mijë dollarë, shqiptarë drejt SHBA-së, dërgohen për gjykim 7 të arrestuar

Prokuroria për Krimet e Rënda ka përfunduar hetimet për shtatë persona që dërgonin në mënyrë të paligjshme njerëz në Kanada dhe SHBA. Dosja është çuar për gjykim.
Sipas prokurorisë, nëpërmjet pagesës prej 20 – 25 mijë dollarësh, ata kanë dërguar në mënyrë klandestine në SHBA, nëpërmjet kufirit me Meksikën plot 480 shtetas shqiptar, vetëm gjatë vitit 2013.
Rruga e kalimit transit ishte nga Maqedonia në Bullgari, ku pajisen me dokumente bullgare. Me pas, nga aty, udhëtonin për në Spanjë dhe më tej në vendet e Amerikës Qendrore, kryesisht në Nikaragua, Honduras, Guatemalë, Meksikë dhe më pas në destinacionin final, SHBA.
Nga të arrestuarit gjashtë janë nga Tirana dhe një nga Struga e Maqedonisë.
Janë dërguar për gjykim Enver Karaj, Fatmir Bakalli, Fatos Fasko, Durim Koxha, Nikoll Kolaj, Fatmir Flaga nga Tirana, si dhe Nertil Previzi nga Struga.