Të vijë ta përurojë Rama, vetëm të bëhet Terminali!

Kandidati për kryebashkiak, Halim Kosova, u takua me banorët e zonës ku do të ndërtohet Teminali Multimodal, projekt i bllokuar nga qeveria. 1000 vende të menjëhershme pune, dhe mijëra tonë gaz karbonik që ikin nga qyteti.
Kosova iu përgjigj interesimit të banorëve lidhur me ndërtimin terminalit.
Për më shumë se dy vjet, Terminali Multimodal është i bllokuar nga kryeministri aktual Edi Rama. Me ardhjen tuaj në Bashkinë e Tiranës, si do ta zgjidhni? Si do ta zhbllokoni këtë terminal?
Unë mendoj që ky projekt të realizohet duhen tre gjëra shumë të thjeshta. Duhet një tabaka, duhen një palë gërshërë sipër, duhet dhe një shirit, blu a lejla a të kuqe ska rëndësi fare se çfarë ngjyre, dhe një për ta prerë. Këto të treja kaq të thjeshta, le ti marrë kush të dojë, e kam deklaruar edhe herë tjetër, mjafton që asnjë minutë të mos humbim për realizimin e këtij projekti.
Ndërtimi i Stacionit Multimodal kushton rreth 40 milion dollarë, ndërkohë që ju keni premtuar ulje taksash, si do e financoni këtë terminal, ku do i gjeni paratë për ta ndërtuar?
Z.Basha e ka deklaruar që ky është një projekt që financohet nga marrëveshja ku investimi është nga Banka Europiane për Zhvillim. Asnjë qindarkë e taksave që paguajnë qytetarët në Bashki nuk del për t’u investuar në këtë projekt.
Ju z.Kosova, si do të bëni marrëveshje me pronarët e tokës për këtë investim kaq të madh?
Unë e kam deklaruar edhe tek investimi i Bulevardit te Madh, sado të rëndësishme të jenë këto projekte për qytetin e Tiranës, sado përfitime të ketë qyteti i Tiranës, në asnjë mënyrë nuk duhet shkelur pronari, prona e së cilit bie në këto projekte dhe asnjë pronar, nuk do e konsiderojë veten fatkeq por do e konsiderojë veten fatlum ku dhe ai vetë do të jetë përfitues në shifra që nuk ia kishte marrë mendja.