Nishani: Shqiptarët lënë vendin vetëm për arsye ekonomike

Shqiptarët ikin nga Shqipëria vetëm për arsye ekonomike, tha Presidenti Nishani në një bisedë në emisionin Tonight të gazetares Ilva Tare. Nuk ikin për arsye politike, tha Nishani, nuk ka asnjë arsye politike për largimin e tyre. Kur isha në Frashër banorët më thanë se një pjesë të qumështit e derdhin për shkak se nuk kanë baxho dhe dnërkohë transporti për shitje ishte 40 km larg.
Duke folur për tensioned në Maqedoni ai tha se rasti i Kumanovës, u tentua që të identifikohet si një përplasje ndëretnike. Ky ka qenë shqetësimi i autoriteteve shqiptareve dhe ndërkombëtarëve, të cilët kërkuam që çështjet ndëretnike në Maqedonisë të mos shërbejnë për kamuflimin e problemeve politike.
Ngjarja e Kumanovës është ende e paqartë dhe ka mungesë transparence dhe informacioni. Ishte një ngjarje shumë e rëndë sepse humbën jetë njerëzish. Unë kam kërkuar edhe në mënyrë zyrtare që të bëjnë publike çdo detaj të asaj ngjarjeje. Ndoshta do të ishte e rëndësishme që të përfshiheshin në këtë ngjarje edhe aktor ndërkombëtar. Kush ka kryer krime duhet të përgjigjet, por autoritetet maqedonase kanë përgjegjësi në zbatim të konventave të bëjnë transparencë për personat e arrestuar, kush janë ata, a ka civilë etj.