Kumanovë, shërbimi sekret maqedonas ishte në kontakt me grupin e armatosur

Dorëheqjet e Jankullovskës dhe Mijallkovit erdhën pas një takimi që ata kanë pasur të hënën në mbrëmje në ambasadën amerikane në Shkup, ku u janë dhënë regjistrime nga kontaktet telefonike midis përfaqësuesve të shërbimit sekret me grupin e komandant NATO dhe njerëzit e tij, shkruajnë mediat e Shkupit.
“Shqiptarë të punësuar në DSK (Shërbimi Sekret Maqedonas) kanë kontaktuar përmes telefonit me grupin, duke thënë se ata thërrasin në emër të shefit të DSK-së, dhe i aknë pyetur se çfarë kompensimi kërkojnë që të tërhiqen. Praktikisht MPB ka hyrë në bisedime me ta”, thotë burimi i Libertasit. Paralelisht me këtë, edhe lideri i BDI-së, Ali Ahmeti, në marrëveshje me partnerët e koalicionit ka kërkuar ndihmë nga OSBE për të tërhequr tre persona të afërt me të që ishin pjesë e grupit, që më pas të negocion me ta.