Deklarata e Ali Ahmetit vetëm të shton pyetjet. Ja dhe 5 të tjera!

Deklarata e sotme e BDI-së nuk ka shpjeguar shumë gjëra që i takon një partie në qeveri të shpjegojë. Sipas kësaj deklarate “Bashkimi Demokratik për Integrim vlerëson që ngjarjet në Kumanovë dhe Goshincë, por pa harruar edhe incidentet e tjera të sigurisë në muajt e fundit, nuk janë në vijë me orientimet tona strategjike dhe nuk paraqesin interes dhe përcaktim të kombit shqiptar në vend dhe rajon”.
BDI pasi u shpreh ngushëllime të sinqerta familjeve të të vrarëve garanton që institucionet e shtetit do të ndihmojnë banorët e Lagjes së Trimave për dëmet materiale si dhe do të angazhohet për proces transparent hetimor dhe gjyqësor për të përfshirët në përleshjet e 9 dhe 10 majit në qytetin e Kumanovës.
Deklarata e BDI garanton në fund se mbetet e përkushtuar për një Maqedoni stabile dhe të sigurt.
Pavarësisht interesit të madh për këtë deklaratë, brendia e saj nuk eka justifikuar vëmëndjen. Ahmeti u angazhua shumë pak lidhur me nevojën që kanë aktualisht shqiptarët kudo janë për disa cështje të tilla: se pse u zhvillua një luftë nes mes të civilëve, se pse janë shkatërruar dhjetra shtëpi ndërsa qindra banorë të Kumanovës u traumatizuan dhe vazhdojnë të jenë në gjendje makthi mes gëzhojave të plumbave, vijave të gjakut dhe rrënojave të shtëpive e dyqaneve; pse nuk ka asnjë të dhënë lidhur me pasojat në civilë të luftimeve; tani që kanë mbaruar operacionet ushatarake pse nuk flitet për rrethanat e luftës. Disa media sot kanë pyetur edhe për detaje të luftimit. Një parti që është në qeveri mund të thotë më shumë se sa një soditës i pushtetit.