Oborri Mbretëror: Diskrimimi dhe racizmi të papranueshme, stop ndërhyrjes ushtarake ndaj civilëve

Oborri Mbretëror Shqiptar ka reaguar mbi situatën në Kumanovë. Sipas një deklarate publike të shpërndarë në rrjetet sociale, bëhet e ditur se “Familja Mbretërore Shqiptare po ndjek me shqetësim te madh situatën e fundit në Kumanovë. Tensionet e përsëritura demonstrojnë dështimin e faktorit politik në Maqedoni, për të krijuar një ambient të sigurt dhe stabilitet. Diskrimimi i vazhdueshëm dhe racizmi janë ne mospërputhje të plotë me Marrëveshjen e Ohrit dhe çojnë në tensionit te mëtejshme dhe trazira nëse mbeten te pazgjidhura. Ndërhyrja ushtarake ndaj civilëve duhet të ndalojë menjëherë. Lutjet tona shkojnë për ato familje të cilat janë lënduar nga ky aksion ushtarak”.