Sami Repishti: Ligji i dosjeve shantazh i turpshëm i qeverisë, Kuvendi fakeqësi kombëtare

Profesor Sami Repishti thotë se ligji për hapjen e dosjeve miratuar në Parlament më 30 prill nuk synon lustracionin por konfirmon “sundimin” e “personit”, të “titullarit”, të një dikasteri që vendos cili “zyrtar” mund të hetohet e cili jo – pa arsyetim ligjor!
Në një artikull opinion me titull “Surgite mortui! Le të ngrihen të vdekurit” të botuar më 6 maj 2015, në gazetën “Panorama” profesori me banim në SHBA e quan shantazh të turpshëm, të hapun, që do të kthejë “zyrtarët” në shërbëtorë besnikë të “titullarit”…,ashtu si janë sot deputetët partiakë të Kuvendit.
Për Repishtin, është “fatkeqësi kombëtare”, pse Kuvendi është “një grumbullim”, i ca tregtarëve, kontrabandistëve, biznesmenëve që vijnë edhe nga bota e krimit.
“Ashtë patetike me lexue në shtypin shqiptar se Kuvendi i Republikës së Shqipërisë përcaktohet si një grumullim ku “…gjysma e Kuvendit, në mos më shumë, përbëhet nga njerzë pa asnjë kontribut politik e publik, por janë ca tregtarë, kontrabandistë, biznesmenë që vijnë edhe nga bota e krimit, e kriminelë safi që ende nuk kanë shpërlarë dosjet e tyre dhe nuk dinë ende kë emër të përdorin si zyrtarë, për shkak të llagapeve që mbanin kur trafikonin drogë e prostitucion!” Fatkeqësi kombëtare!”, vijon Sami Repishti.
Repishti përmend dhe incidentin elektoral të ndodhur më 30 prill në Durrës duke u shprehur se, “Sot, edhe unë kam frikën time. Më 30 prill 2015, në rrugën e Durrësit, falangistët profashistë u përpoqën me pengue fushatën elektorale paqësore të kandidatit të opozitës, veprimtari që na kujton Shën Petërsburgun në 1917, Tomën e vitit 1922, Nurembergun e viteve 193-1933. Fashizmi si kult i dhunës qeveritare, pavarësisht nga ngjyra, nuk do të kalojë në Shqipëri. Nuk besoj se do të kenë sukses këto grupe rrugaçësh, që kërkojnë kthimin e së kaluemes diktatoriale. Po rata mund të kenë sukses në përgatitjen e nji tragjedie të re shqiptare!”.