Policia ka vënë në pranga autorin e sulmit të së mërkurës gjatë aktivitetit elektoral të Partisë Demokratike në qytetin e Ersekës. Burime zyrtare bëjnë me dije se Specialistët e Seksionit të Krimeve, në Komisariatin e Kolonjës kanë arrestuar në flagrancë, 27-vjeçarin Suel Liço, banues në fshatin Taç-Ersekë.
Sipas policisë, mbrëmjen e djeshme në qytetin e Ersekës, gjatë takimit që ka pasur subjekti politik PD, 27-vjeçari Liço, i cili ndodhej në një lokal, në gjendje të rënduar psikologjike, ka kapur një karrige dhe e ka hedhur, (jo në drejtim të podiumit) ku për pasojë është goditur shtetasi F. M., 74 vjeç. I moshuari, ndodhet në spitalin e Ersekës, jashtë rrezikut për jetën.
Materialet në ngarkim të tij, i kaluan Prokurorisë të rrethit Gjyqësor Korçë, për veprën penale “Plagosja e rëndë me dashje”.
Për më shumë mund të lexoni edhe…
/web/Erseke_Basha_sulmohet_me_karrige_plagoset_nje_militant_i_PD_se_1739_1.php
