Berisha: Në 21 qershor, të gjithë të njëjtin fat, do të jeni hasanë

Nga salla e Kuvendit, ish-kryeministri Sali Berisha, ju është drejtuar deputetëve të mazhorancës, duke ju “parashkruar” fatin, sipas të cilit, “të gjithë do të jeni hasanë”.
Gjithashtu, Berisha ka hedhur poshtë aludimet për ndonjë manipulim të regjistrimit audio në Shkodër, të kryeministrit Edi Rama, me strukturat vendore të PS-së. Berisha bëri ët ditur se nuk ka asnjë manipulim në atë video, madje sipas tij, kush e ka regjistruar i ka bërë shërbim vendit.
“Për pacientë si ky, ka njerëz që lumturohen kur gënjejnë vetën kur gënjejnë veten dhe të tjerët. Është pacienti me tipik i këtij sindromi. Ik, ik se se duron të vërtiten. E vërteta të vret ty. Ja iku! S’kam përdorur kurrë asnjë gjë private të askujt, foto, regjistrim…, të kurkujt. E di se kush kanë qenë  regjistrimet për t’u përdorur ndaj tij. Kjo është një ligj. Unë s’ia prek njeriu sikur të përmbyset. Kjo s’është privatësi. Edhe për hir të privatësisë i hoqa figurën i nxora vetëm zërin. Këtu dale kemi të bëjmë me gjë tjetër, proces themelor për vendin që janë zgjedhjet”, tha Berisha.
Ai ka lexuar pjese nga videoja, duke pranuar se i ka hequr figurën për të mos e shfaqur me pamje.
“’Çdo drejtor, shef, person që ka marrë një fije pushtet nga PS dhe LSI duhet të garantojë të ketë mbrapa më 21 qershor…’, ja çfarë thotë, t’ia japë mediave regjistrimin e t’u tregojë ku e kam manipuluar.  Se kam bërë kurrë. U lumtë atyre që e kanë regjistruar, i kanë bërë shërbim vendit të vet. I kanë bërë zgjedhjet e lira”, tha ai.
Ish-kryeministri Sali Berisha theksoi më tej çdo zyrë e Europës dhe botës do të njihet që nesër se cila është fushata e Ramës për zgjedhjet lokale.
“Ju Gjushët, Erjonët po dënoni qytetarët, po dënoni Shqipërinë. Dje gati sa si kanë zhveshur njerëzit për t’u futur në takim në Durrës. Kontroll trupor. Po i ka zënë frika mos dilni fare në fushatë”, tha ai.
Berisha ka thënë më tej se zgjedhjet janë në rrezik të madh dhe u është drejtuar shumicës, “Më 21 qershor ju do keni të gjithë të njëjtin fat, të gjithë do jeni hasanë”
Nga ana e tij, përgjim pas ferre e ka quajtur kreu i qeverisë Edi Rama videon e postuar nga ish-kryeministri Berisha, duke sqaruar se në takimin e publikuat, të shkëputur sipas tij krejtësisht nga konteksti, drejtorët e pranishëm kanë qenë si pjesë e strukturave të PS­së, e jo si drejtorë të administratës.