Tirana, cigaret më të lira në rajon

Tirana qendron në vend të fundit në rajon, krahasuar më të gjithë shtetet, për çmimin mesatar të një paketë cigareje.
Sipas të dhënave të agjencisë së njohur Numbeo, çmimi mesatar i një pako cigare në Shqipëri kushton 1.99 euro, e krahasuar me Podgoricën, e cila kryeson këtë listë, kemi një çmim 20,4 % më të ulët.
Diferencën më të vogël në çmim, sipas të dhënave për muajin prill të Numbeo-s, Tirana e ka me Shkupin, me një diferencë thjesht 0.01 euro më pak.
Ndërkaq, sikurse tregohet në grafik, sipas renditjes, pas Podgoricës me 2.50 euro, vjen Sarajeva për çmimin më të lartë me 2.30 euro/pako, Prishtina me 2.20 euro, ndjekur nga Beogradi me 2.15 euro/pako.
Ndonëse me çmimet më të ulëta krahasuar me rajonin, në Shqipëri rritja e akcizës së cigareve gjatë dy viteve të fundit ka qenë me 40 lekë për paketë.
Shifra për ulje të konsumit në vend ende nuk ka zyrtare, ndonëse shifrat e fundit nga Ministria e Financave për uljen e importeve të cigareve, thuajse të përgjysmuara krahasuar me vitin 2013, tregojnë, sipas tyre, rënien e konsumit të brendshëm në këtë produkt. (monitor)