Kryeministri te “Shqip”/ Xhunga pyet: Ben Blushi thotë… Rama përgjigjet: Dhoma Amerikane e Tregëtisë thotë…

I ftuar te emisioni “Shqip” i Rudina Xhungës në Top Channel, Edi Rama, jo vetëm që nuk ka preferuar ti zërë në gojë emrin Ben Blushit, por ka devijuar në përgjgijet e tij, ndaj tentativës së moderatores për ti marrë një opinion për kritikat e deputetit socialist.
“Edhe Ben Blushi gënjen kur flet…?!”, tentoi të pyesë kryeministrin Rudina Xhunga.
Por Edi Rama, ndërsa nuk e la të përfundonte pyetjen, ju përgjigj, tjetër për tjetër, duke përdorur si “kamerdre shpëtimi” Dhomën Amerikane të Tegëtisë.
“Kemi një klimë biznesi që shkon në drejtimin e duhur sipas vlerësimit të Dhomës Amerikane të Tregtisë. Unë nuk komentoj komentatorët. Jam këtu për të folur mbi shifra, mbi fakte dhe mbi prova”, ju përgjgij pyetjes së mbetur në tentaivë të Rudina Xhungës, kryeministri Edi Rama.