Lezhë, përplasen dy makina, 5 të lënduar midis tyre 2 fëmijë

Përplasja e dy mjetëve në dalje të qytetit të Lezhës u shoqërua me plagosjen e 5 personave dy prej të cilëve fëmijë.
Aksidenti u regjistrua mëngjesin e 26 prillit 2015 rreth orës 8:00 në afërsi të rruges së lagjes “Nene Tereza”, ndërsa të plagosurit pas ndihmës së parë të marrë në spitalin e Lezhës janë jashtë rrezikut për jeten.
Automjeti tip “Ford” me targa AA 585 AY që drejtohej nga 26-vjeçari me iniciale F. M., banues në lagjen “Varosh” të Lezhës në tentativë për të dalë nga një rrugë dytësore për në supërstradë është përplasur me një automjet tip “Fiat” me targa AA 411 FM që drejtohej nga shtetesja me iniciale D. D., 44 vjeçe, ndërsa në mjet ndodhëshin edhe 2 fëmijet e sajë të mitur.
Ndonëse zona ku ndodhi aksidenti lëvizet me shpejtësi jo të lartë, perplasja mes dy mjeteve ka lënë të plagosur drejtuesit e mjetëve dhe pasagjerët e tyre, ndërsa është shoqëruar edhe me dëme materiale.
Nga hetimet e para ka rezultuar se mjeti tip “Ford” është futur në mënyre të befasishme në superstrade, duke sjellë panik tek drejtuesja e mjetit që udhëtonte me “Fiat”, e cila ndonëse ka tentuar t’i shmanget aksidentit është përplasur në pjesën anësore të mjetit tjetër.
Policia Rrugore ka bërë edhe shoqërimin e 26-vjeçarit që shkaktoi aksidentin, ndërsa po punohet për zbardhjen e plotë të rrethanave të ndodhjes së tij.