Revista holandeze “Elsevier”: Shqipëria nuk ëshstë gati për në eurozonë

Revista “Elsevier” në një menyrë ironike i kushton një artikull të plotë Shqipërise me titullin “Sa mirë”, më pas dhe Shqiperia do të jetë pjesë e Eurozonës!
“Elsevier”, që është revista me e madhe në Hollandë, thekson se Shqipëria dhe vendet e rajonit si Kosova nuk jane gati dhe nuk duhet të hyjnë në Eurozonë.
Gazetari Syp Uinia rendit disa dështime të qeverisë greke dhe shpjegon përse vendet të reja mund të përbëjnë një rrezik reale për monedhën Euro dhe Eurozonën.
“Ndërkohë jemi të vendosur për të mbajtur Greqinë brenda eurozonës, Kroacia tashmë është pranuar në Bashkimin Evropian dhe jemi në bisedime me Serbinë, Maqedoninë, Shqipërinë, Bosnjë-Hercegovinë, Kosovë dhe Turqinë”, thuhet në artikull.
Revista sugjeron që të fshihet detyrimi për pranimin e shteteve të reja në Eurozonë dhe madje vendeve anëtare të ardhshme, që konsiderohen problematike t’u hiqet e drejta për të përdorur euron apo për t’u pranuar në Eurozonë. Uinia le të kuptohet, se Shqipëria nuk është gati për të qenë pjesë e Bashkimit Europian.
Situata e keqe ekonomike është për të, arsyeja më e fortë se përse këto vende nuk mund të bëhen pjesë e Eurogrupit. Para një viti revista Elsevier bëri publik faktin e rënies së madhe të të ardhurave të qeverise shqiptare, çka sipas saj pritet të sjellë edhe skenarin më të keq ekonomik për vendin. Ky shkrim në Elsevier vjen pak pas lajmit të publikuar nga televizioni shtetëror Holandez NOS, me titull “Shqipëria saboton ekstradimin e deputetit” ku thuhet se kryeministri Rama është në telash të madh në Shqipëri me çështjen Frroku.
Sipas NOS, dështimi i ekstradimit të Frrokut përbën një çështje që “i ka shkaktuar shumë dhimbje kokë Edi Ramës”.
Mbetet për të parë nëse lajmet negative dhe imazhi i përkeqësuar i Shqipërise do të kene efekt gjatë votimit nga ana e eurodeputëve Holandezë në Parlamentin Europian.