Partia Demokratike ende nuk ka përmbyllur negociatat me aleatët e saj kryesorë edhe pse dita e sotme është dita e finalizimit të tyre.
Në ditën e fundit, një marrëveshje e mundshme PD – PR, është larg, ndërsa me shumë gjasa, në ëprfundim edhe të ditës së sotme, e cilas shënon afatin zyrtar të mbylljes së negociatave të Partisë Demokatike me aleatët e saj, duket partia më e madhe opozitare pritet të shkojë në zgjedhjet lokale me një tjetër aleat më pak.
Pas kaq ditësh negociata PR, jo vetëm që nuk po merr Durrësin me kandidatin e saj Agron Dukën, por të pafrytshme për ta po rezultojnë edhe bisedimet për 13 bashki të tjera.
Në këto rrethana, Partia Republikane mund të dalë e vetme në zgjedhjet e 21 qershorit, gjatë këtyre ditëve bisedimesh, republikanët nuk kanë gjetur frymën e kolegjialitetit dhe transperencës nga aleati i saj historik.
Bashkia e Durrësit, e cila e thellon më shumë distancën, nuk është e vetmja, ndërkohë që PR, ka gati emrat e tyre edhe për 13 bashki të tjera, për të cilët thonë se kanë emra potencialë fitues.
Lista të cilën tri ditë më parë republikanët e dorëzuan në selinë blu, përfshinë si bashki të kërkuara prej tyre, Durrës, Sarandë, Kukës, Memeliaj, Librazhd, Selenicë, Himarë, Devoll, Bilisht, Ersekë, Maliq, Lushnje dhe Mirditë dhe Librazhd.
Për një vendim përfundimtar, për shkak edhe se diskutimet me demokratët nuk po shkojnë siç duhet, Partia Republikane ka nisur konsultat me strukturat në rrethe.
Ndërsa numrin më të madh të bashkive në drejtim të PD e ka kërkuar partia republikane me 14 bashki, partia demokristiane kërkon gjashtë bashki, Fushë Arrëz, Mirditë, Lezhë, Kurbin, Sarandë, Mallakastër. Partia Bashkimi Liberal demokrat e Arjan Starovës kërkon bashkinë e Elbasanit. Partia Lëvizja e Legalitetit kërkon bashkinë e Matit. Partia Ballli Kombëtar Demokrat kërkon bashkinë e Këlcyrës ose Delvinën ndërsa Balli Kombëtar i Adriatik Alimadhit kërkon bashki të nivelit të dytë në qarkun e Vlorës dhe të Korçës. Nga 61 bashki që janë tashmë me ndarjen e re territorial, aleatët i kërkojnë PD zona të lira me kandidatët e tyre për mbi 25 bashki.
Përpos pretendimeve të aleatëve, PD-ja vazhdon përzgjedhjen e kandidaturave të saj. Gradualisht emrat po nisin të dalin, ndërsa zbulimi i plotë i kandidaturave për 61 bashkitë pritet të ndodh rreth mesit të prillit. Vëmendjen kryesore merr beteja për Tiranën, kur veç dy kandidatëve socialistë e demokratë, ditë pas dite po zbulohen edhe emra që duan t’i hyjnë garës si të pavarur.
Kandidatët e mundshëm të PD-së
Tiranë – Grida Duma, Jorida Tabaku, Halim Kosova, Besnik Aliaj
Durrës – Arqile Goreja, Ardian Muka
Elbasan – Ardjan Turku
Korçë – Andrea Mano
Kukës – Bashkim Shehu
Pogradec – Edmond Kapri.
Kavajë – Engjëll Cara, Isa Sakja, Mirazh Shkodra
Kamzë – Xhelal Mziu
Vorë – Fiqiri Ismaili
Kërkesat e Aleatëve të PD-së
PR
1. Durrës
2. Gjirokastër
3. Sarandë
4. Kukës
5. Memaliaj
6. Librazhd
7. Selenicë
8. Himarë
9. Devoll
10. Bilisht
11. Ersekë
12. Maliq
13. Lushnje
14. Mirditë
PDK
15. Fushë Arrëz
16. Mirditë
17. Lezhë
18. Kurbin
19. Sarandë
20. Mallakastër
PBLD
21. Elbasan
PLL
22. Mat
PBKD
23. Këlcyrë
24. Delvinë
PBK (bashki dytësore)
25. Vlorë
26. Korçë
