Gjykata e Lartë cakton sot gjyqtarët e masës së sigurisë për deputetin Mark Frroku

Gjykata e Lartë cakton sot trupin gjykues që do të gjykojë e vendosë për masën e sigurisë ndaj deputetit Mark Frroku.
Do të jenë pesë gjyqtarë, të cilët do të caktojë një masë të re sigurie mbi akuza që vijnë jo vetëm nga drejtësia belge, për të cilat Kuvendi dha autorizmin për arrestimin e tij, por edhe akuza të reja nga drejtësia shqiptare që kanë të bëjnë me fshehje dhe refuzim të deklarimit të pasurisë, deklarim të rremë të pasurisë si dhe pastrim parash.
Akt-akuza nga drejtësia belge thekson se Mark Frroku ka qenë i përfshirë në aktivitete të paligjshme edhe në Holandë ku është dënuar me tre vite burg për trafik ndërkombëtar lëndësh narkotike dhe Itali ku është hetuar për përfshirje në një rrjet prostitucioni.