Incidenti në Beograd, FSHF sot mbrojtja në UEFA

Sot është dita për balljes juridike me Serbinë në Komisionin Disiplinor të UEFA-s. Pas deklaratave dhe replikave në distancë, që nga politike, mediatike, nacionaliste, e të tjera, tani asgjë nuk pi më ujë, përveç fakteve dhe provave për ngjarjen e 14 tetorit në Beograd. Federata Shqiptare e Futbollit ka përgatitur dosjen dhe do të mbrohet nga një studio avokatie, madje fliten se janë dy, por që janë mbajtur sekret. FSHF ka përgatitur një dosje voluminoze për të kërkuar të drejtën e saj në Komisionin e Disiplinës të UEFA-s, i cili do të mblidhet sot për të vendosur ndëshkimet që do të merren për të gjithë atë çka ngjau në stadiumin “Partizani”.
RACIZMI
UEFA, në njoftimin e saj të datës 15 tetor ka bërë të ditur se nuk do të hetojë Serbinë për kore me karakter diskriminues dhe racist dhe as për ndërhyrje apo vërshëllimat fyese në momentin e ekzekutimit të himnit kombëtar shqiptar. Për këtë arsye, dy prej pikave më të forta, në dosjen me pamje filmike dhe fotografi të përgatitur nga FSHF, pritet të jenë pikërisht vërtetimi i këtyre dy veprimeve nga ana e tifozërisë vendëse në stadiumin e Beogradit. Materiali i përgatitur nga FSHF është i disponueshëm në tri gjuhë, në shqip, anglisht dhe gjermanisht, për ta bërë atë sa më të kuptueshëm për anëtarët e Komisionit të Disiplinës, të cilët janë të kombësive të ndryshme. Në dosje përfshihen pamje të rrugës që ka përshkuar delegacioni i kombëtares shqiptare për në stadium, ku një turmë njerëzish thërrisnin “Kosova është Serbi”, ndërsa në momentin që përfaqësuesja kuqezi hyri në stadium, u dëgjuan dhe koret: “Vdekje, vdekje shqiptarëve!”. Kjo gjë madje vazhdoi edhe në tunel, por edhe gjatë fillimit të takimit e në vazhdimin e tij. Ndërsa në lidhje me fyerjet ndaj himnit kombëtar shqiptar, si provë janë afruar pamjet e transmetuara në sinjalin ndërkombëtar.
NDËRPRERJET
Hedhja e sendeve të forta në fushë, si në rastin e minutës së 40-të në drejtim të Balës, apo edhe ndërprerja provizore e mëparshme e takimit nga kryesori Atkinson, janë dy pika të forta me të cilat FSHF pritet të luajë në Komisionin e Disiplinës, për të vërtetuar se droni nuk ishte shkaku kryesor i asaj që ndodhi, përkundrazi, ishte klima agresive dhe aspak miqësore në stadium. Gjithashtu, do të afrohen edhe foto të dhunës dhe pasojave të saj ndaj futbollistëve kuqezi apo dhe kontrolli i paprecedentë, që u është bërë lojtarëve shqiptarë në dhomat e zhveshjes nga ana e policisë serbe, ku rregullorja parashikon edhe ndalimin e hyrjes së delegatit të ndeshjes. Shqipëria kërkon tri pikët në tavolinë nga kjo përballje, por edhe dënimi